Home » الاخبار » المضحك المبكي…!!

المضحك المبكي…!!

الأحد 2021/05/23
منقوله بتصرف….
أيام زمان .. نادي الكلية چان يبيع ثلاثة انواع طعام للغده .. لفــة فلافل بـ ٧٥ فلس ، وتمن ومرگ بـ بثلاثة دراهم ، وبرياني بربع دينار..

يدخل الطالب للنادي، ويروح للكاشير ويطلب نوع الطعام اللي يحبه أو اللي يگدر عليه مادياً..

الكاشير.. مسوي لكل نـوع طعام يطلبه الطالب قطعـة جلد مشمع زغيره.. إذا الطالب يريد فلافل ينطية قطعة جلد زرگه، وإذا يريد تمن ومرك ينطيه قطعة جلد خضـرة، واذا برياني ينطيه قطعة جلد حمره، وهكذا..

فد يوم.. چنه مجموعة طلاب گاعدين بصف مسرح الكلية.. أكو ولد ويانه إسمه زاهد*.. زاهد التفـت على أرضية المسرح ولگاهه مطبگـه بجلد مشمـع اخضر نفس نوعية الجلد اللي مسويه صاحب المطعم والخاص بالتمن ومرگ!

زاهد.. طلع مقطاطة وفك البرغي مالتهه، وطلع منهه الموس وگص من ارضية المسرح شريـط جلـد بطول نص متره وقطعهــه قطع زغار بگـد القطع مال التمن ومرگ، وأخذ قطعة للتجربـة وراح گبل للعامل الواگف على جدورة التمن والمرگ.. ونجحت العملية!!

هاي العملية نص طلاب الكلية شافوهه.. وكل طالـب طلع مقطاطته وگصله فد نص متره وگام يضرب باليوم (٣) وجبات تمن ومرگ، وتباً للفلافل وتداعياتها.. وانبعاثاتها !!

أبو المطعم .. إفتر عنده الديلكو، عنده (١٠٠) قطعة جلد خضرة، شو نهاية الإسبوع رجعتله ((اربع تالاف جلداية))!!

لاگللكم ولاتگلولــي.. ابو المطعم ماحس بهذا الموضوع الا انهجم بيته، والكلية ماحسـت بهذا الموضـوع الا شافت نص ارضية المسرح انباگت..

هذا الي ديصير بالضبط بموضـوع الشهداء والسجناء السياسيين وجماعة رفحاء.. صدام سجن وعدم (١٠٠) الف واحد، شو اللي ياخذون رواتب سجناء وشهداء ورفحاويين (3) ملايين واحد!!
* زاهد حالياً.. نائب مفتش عام !!

Malboto

About أنا العراق

Leave a Reply

Your email address will not be published. Required fields are marked *

*